Eldurinn logar

Sorglegt að fólk hafi ekkert annað að gera á þriðjudagskvöldi en að kveikja í gömlum Moggum, ekki fréttablöðum því það gleymist alltaf að bera þau út á Selfossi.

Mikið svakalega fer í taugarnar á mér hversu oft þessar stuttu fréttir á mbl.is eru klúðurslega orðaðar......grunur leikur á að um íkveikju hafi verið að ræða að sögn lögreglurnnar á Selfossi.....finnst ykkur þetta ekki svolítið klúðurslegt??

Kveikt í blaðagámi á Selfossi

Undarlegur geymslustaður!!

Einn nemandi minn setti alltaf blýantinn sinn á bakvið eyrað þegar hann var ekki nota hann. Blýanturinn skorðaðist vel á milli gleraugnanna og eyrans og datt því aldrei af sínum stað. Nemandinn sem var oft á tíðum utan við sig, sást oft með hausinn ofan í tösku að leita að blýantinum, skyldi hreinlega ekki hvernig hann fór af því að týna alltaf blýantinum. Við áttum því okkar leynimerki, ég kallaði á hann og brosti og þá mundi hann allt í einu eftir blýantinum þarna bak við eyrað :) 

Skyldi þessi þýska kona nokkurn tíma hafa gleymt blýantinum sem hún geymdi innan við eyrað?

Kannski var hún bara að bíða eftir lausum tíma hjá hjá McDreamy.....habba, habba!!

Með blýant í höfðinu í 55 ár

Svona eitthvað trend!!

Við höfum blessunarlega öll mismunandi smekk í klæðaburði. Sumir klæða sig látlaust, sumir eru alltaf í svörtu, sumir klæðast litum, og sumir eru hreinlega eins og litaspjald úr Byko. Svo er það algengasta "kvennatískan" sem ég sé allt of mikið af þegar ég fer til dæmis í Kringluna. Það er þessi blessaða flíspeysutíska. Alveg sorglegt að sjá myndarlegt kvenfólk klætt í einhverjar hólkvíða, ofnotaða flíspeysu.

Svo eru það þeir sem eru alltaf með svona trend í sínum klæðaburði. Það er afskaplega myndarlegur og skaplegur maður sem heitir Björn Malmquist og starfar nú sem fréttamaður hjá RÚV. Hann er alveg silfurhærður, eða lítur út fyrir það, kannski er hann bara svona ljóshærður. En það er ekki trendið, trendið er bleiki liturinn. Hann er alltaf í einhverju bleiku. Í fréttunum í kvöld var hann í svona barbei bleikum bol innan undir.

Mér finnst hann bara flottur!!!

Rekavík bak Látur

Ætlaði hann kannski að hirða leifarnar af hvalnum sem rak þar á land? Vona að þetta fari vel :)

Bátur strandaði við Rekavík á Ströndum

Nýkominn af svæðinu

Þessa frétt þykir mér ofsalega gott að lesa og þó fyrr hefði verið. Hornbjarg er ekki svipur hjá sjón, það var meira fuglalíf í Flatey á Breiðarfirði heldur en í þessu stóra fuglabjargi....en á þessum stöðum var ég með nokkurra daga millibili. Auðvitað hafa breytingar á lífríki sjávar einhver áhrif á fækkun fuglsins en eggjaskurnin og dauði fuglinn sem liggur eins og hráviði um allt Hornbjarg er ekki tilkomin vegna þeirra breytinga, þar var rebbi pottþétt á ferðinni. Svo maður tali nú ekki um mófuglinn en hann er gersamlega horfin af svæðinu a.m.k. úr friðlandinu, um leið og við komum út úr því fórum við að heyra í lóu, spóa, rjúpu o.s.frv.

Það þarf kannski ekki að útrýma refnum en það þarf að halda fjölda hans í skefjum annars útrýmir hann öllu lífi þarna á þessum dásamlega stað.

Breytingar á fuglalífi í Hornbjargi

Ó nei!!

Þetta myndi maður kalla að stökkva upp á nef sér, eða hundanef. Ég er mikill dýravinur og á eitt stykki gæludýr sjálfur, en aldrei myndi ég láta sjá mig á sjá mig á einhverri kertaathöfn um eitthvað dýr. Svo var einhverju strákgreyi hótað fyrir að hafa drepið hundinn, ég myndi nú frekar fara og fleyta kerti fyrir hann, fyrr má nú vera kjánagangurinn og svo er hundurinn á lífi....hahahahha! Bráðfyndið :)

Hundurinn Lúkas á lífi

Ein kennaralaun til eða frá!

Já þar hafið þið það laun seðlabankastjóra hækkuðu því sem nemur einum kennaralaunum ;) Ég væri alveg til í að hækka um 200.000, myndi jafnvel sætta mig við 100.000 króna hækkun :)

Pfff....ég held samt að Seðlabankastjóri sé ekki eins glaður og ég á þessari stundu.....!!!

Gleðilegt sumar, Janus er farinn úr gsm-sambandi.

Samþykkt að hækka laun seðlabankastjóra um 200.000 kr. á mánuði

tryggja trygg

Nokkuð gott hjá henni að tryggja brosið, mér finnst samt eins og það vanti þarna spangir dauðans svo rétta svipnum sé náð. Finnst þessi gella alveg frábær. Hvað meira skyldi vera hægt að tryggja?

Fótboltamenn tryggja fæturnar á sér, píanóleikari tryggir fingurna, skyldi kvennfólk geta tryggt á sér brjóstin og karlmenn spottann? Ætti ég kannski að reyna að tryggja á mér eyrun, nógu áberandi eru þau?

Hvernig myndu stjórnmálamenn geta tryggt sig?

Bros „Ljótu Betty“ tryggt fyrir 640 milljónir

Laugardagur til lukku

Jæja þannig fór um jórúvisíon sjóferð þá enn eina ferðina. Ég er nú ekki svaðalega svekkt yfir þessu, það var eiginlega viðbúið að þetta myndi enda svona, en ég bar þó alltaf þá von í brjósti að þetta yrði árið sem Ísland yrði í tísku, það hefði verið svo gaman að vera í aðalkeppninni þetta árið í bland við kosningarnar, hefði gert daginn enn fjölbreyttari, vá hvað þetta er orðin löng setning, ég held ég skuldi nokkra punkta.......!

Mér fannst nú samt að Eiríkur hafi staðið sig vel í þarna úti, hann söng lagið óaðfinnanlega og finnst mér hann hafa verið einn besti söngvarinn þarna úti, þó fyrir blúsgelluna frá Ungverjalandi sem ég vona að vinni í kvöld. Lagið sem Eiríkur söng var bara ekki nógu eftirminnilegt og þessi enski texti fór endanlega með það, hefði verið nær að syngja þetta á íslensku svo fólk hefði getað giskað á innihaldið....ég meina af hverju að sýna einhverjar massa tilfinningar með textanum "come to the show"? En ég tek ofan fyrir Eiríki og hvet þá sem leyfa sér að blammera yfir hann frammsistöðu til að reyna að gera betur :) og og hhhhhana nnnnú!

Það stendur annars mikið til á þessum fríðleiksdegi, ég var að koma úr sturtu, búin að lesa enn eina bókina um Ísfólkið, það er verulega farið að síga á seinni hlutann í þeirri langloku. Svo er að renna á kjörstað og setja x-ið við rétta flokkinn. Svo er bruna austur og halda upp á 60 árin með karli föður mínum, ekki nema einu sinni á ævinni sem það gerist. Gott ef ég renni ekki og skæli aðeins meira yfir nýjasta undarfagra fjölskyldumeðliminum. Svo er kvöldið ennþá óráðið, stendur eiginlega á sama um kvöldið, gærdagurinn var svo yndislega fallegur að sólheimaglottið þurrkast ekki af andlitinu á mér.

Svo finn ég á mér að þetta verður kvöldið mitt og flokkurinn minn mun taka þetta í nefið, ég klæði mig meira að segja í litnum þeirra í dag :)

Góðar stundir.

Rétt að skreppa eftir mjólk..

Ég bankaði hjá fólkinu í næstu íbúð og spurði hvort það gæti litið eftir unganum mínum sem var steinsofandi því ég varð að stökkva til að kaupa mjólk. Það var sjálfssagt mál enda ekki í fyrsta sinn sem við lítum eftir hvort öðru á þennan hátt.

Ég labbaði svo í Nóatún, greip tvo lítra af mjólk og eitt súkkulaði og hljóp heim aftur, þakkaði nágrönnunum fyrir og lokaði að mér í minni íbúð. Þessi ferð tók fimm mínútur. Ég stökk inn og kíkti á barnið, það steinsvaf og tók sennilega ekki eftir því að ég hefði stokkið út, ég andaði léttar og lofaði sjálfri mér að gleyma ekki aftur að kaupa mjólk. Svo setti ég mjólkina í ísskápinn og kveikti á sjónvarpinu.

Þetta gerðist í Grafarvoginum í Reykjavík á litla Íslandi. Aldrei, aldrei hefði ég skilið börnin mín eftir ein í íbúð á Spáni, ekki einu sinni til þess að ég gæti keypt mjólk og nágranninn í næsta herbergi myndi bjóðast til að passa ungana mína á meðan. Ég meina pabbi kíkti klukkan níu og þá sváfu öll börnin, klukkan tíu (heilum klukkutíma seinna) kíkti mamma og þá var einn unginn horfin.....! Sjálfsásökun, sjálfsásökun...?

Ég vona það heitt og innilega að blessað barnið finnist og verði komið í hendur foreldra sinna. Aumingja fólkið.

Portúgalska lögreglan telur að stúlkan sem rænt var sé enn á lífi