Stjórnmál - pjórnmál

Ekki skil ég hvernig fólk nennir að velta sér upp úr þessu bulli sem kallað er stjórnmál. Hann sagði, ég sagði, hún sagði, þú sagðir og svo framvegis. Þegar öllu er á botninn hvolft gleyma allir þessir stjórnmálamenn hverju þeir lofuðu daginn sem þing er sett og muna ekki eftir neinum af þessum loforðum fyrr en líður aftur að kosningum og þá virðast þeir bara muna það sem hinir flokkarnir eru búnir að svíkja.

Það fyndnasta sem ég hef lesið undanfarið er af bloggi Eyþórs nokkurs sem stuðaði staur fyrir síðustu sveitastjórnarkosningar. Hvað haldið þið að hann segi....guð forði okkur frá svona frambjóðendum og var þá rætt um einhverja fíra innan Samfylkingarinnar. Þeir sem þekkja mig vita að Samfylkingin á síst upp á pallborðið hjá mér en.......að leggja nafn þeirra við guð almáttugan og það af manni sem forðaði Sunnlendingum frá því að ná fram breytingum í Árborg eftir stuðið við staurinn!!! Oh my!

Ef kalla hefði átt á guð til þessa verks hefði verið betra að forða okkur hinum frá frambjóðendum sem geta ekki fylgt lögum eins og umtöluðum Eyþór og fínt væri að taka flokksbróðir hans af Suðurlandinu með.

Ég segi það og skrifa loforð hvað????

Lykilorð og ræktin

Ég er alveg að missa mig yfir þessum lykilorðum. Hvernig í ósköpunum á maður eða kona að geta lagt þetta allt á minnið. Það er lykilorð til að komast inn á tölvuna, lykilorð til að komast í póstforrtið í tölvunni, það er lykilorð inn á heimapóstinn, hotmailið, msn-ið, bloggsíðurnar þrjár, einkabankann (og þarf að finna upp á nýju lykilorð á tveggja mánaða fresti), svo eru það allar þessar barnalandssíður og svo er farið að læsa bloggsíðum....o.s.frv. Svo er það náttúrulega gsm-síminn, debetkortið, vísakortið og síðast en ekki þarf lykilorð til að komast í ræktina....grrrr!!! Hvernig gengur ykkur að muna þetta?

Ó jæja. Ég fékk nett áfall í gær. Ég endurnýjaði kortið mitt í ræktina því ekki er seinna vænna að koma sér í form fyrir sumarið. Ég fór á hlaupabretti (nú vona ég að þið skiljið þetta). Ég fór á bretti og stillti á venjulegan gönguhraða sem er 5.0. Ég gekk aðeins af stað og fann eftir stuttan tíma að þetta var allt of hratt til að geta gengið við. Ég minnkaði því hraðann og var komin í 3.0 þegar ég loksins hafði við brettinu. Rjóð í kinnum leit ég í kringum mig á fólkið sem var á hinum brettunum var að ganga á 6.0. fock hugsaði ég djöfull er ég í lélegu formi. En þrjóskan er alveg að fara með mig eins og þið vitið kannski og því var stillt á hlaup. Miðað við hversu hægt ég varð að ganga ákvað ég að stilla brettið á lítinn hraða líka svo ég myndi geta hlaupið í meira en eina mínútu. Ég stillti brettið á 8.0 og hljóp af stað, eftir tvær mínútur var ég gersamlega búin á því og varð að hægja á brettinu niður í 7.0 og svo rétt seinna í 6.5 og svo niður í 6.0 og þar gat ég hlaupið í tíu mínútur. Þið getið rétt ímyndað ykkur hvernig þetta fór með egóið hjá minni, að þurfa að hlaupa á þeim hraða sem aðrir voru að ganga á!!! Hvað var í gangi? Ég fór aðeins að lyfta og kom svo aftur á brettið því nú á brenna. Ég fór á annað bretti í þessari lotu og bjó mig aftur undir niðurlægingu rauðhettu. Ég stilli því bara brettið á 3.0 því þar var rétti gönguhraðinn. Eftir örfáar sekúndur varð mér ljóst að hitt brettið sem ég byrjaði á var ekki í lagi. Það var sem sagt ekki ég sem var í versta forminu á stöðinni heldur hafði brettið þann vafasama heiður.....Áfram Ísland!!

Ég vil geta beðist afsökunar!

Ég bjó úti í henni Ameríku fyrir tíu árum síðan. Staðurinn hét Tampa og er í miðjum Flórdælahreppi. Skipulagðar skoðunarferðir voru farnar í hverfinu til að skoða þetta undur frá Íslandi. Flestir voru sammála um það að í mér höfðu þeir hitt einstaka manneskju því svo fáir Íslendingar væru í heiminum og að þeir skyldu vera búinn að hitta einn slíkan var alveg saga til næsta bæjar.  

Ísland var ekki þekkt á þessum tíma, sérstaklega ekki þarna í heitasta helvíti (hver getur lifað í svona 40 stiga hita). Ísland! já þar hlýtur að vera kalt! Já, það er way up north!. Já, búið þið ekki í snjóhúsum? Þegar ég sagðist vera frá Íslandi var samt líklegast af öllu að ég væri tengd við Björk. Jú Björk var orðin heimsfræg í Ameríku fyrir tíu árum síðan. Já þú ert meira að segja lík henni sögðu sumir. Það var svo sem ekkert slæmt að vera þekkt fyrir Björk. Þó ég myndi ekki skella tónlistinni hennar á fóninn hefur hún samt gert mikið fyrir land og þjóð og verið okkar í flestum tilfellum til sóma.

Ég fékk pínu sting í hjartað þegar ég las greinina: Nær að sprengja Ísland en Íran, en hana er hægt að lesa inn á mbl.is. Greinin er augljóslega skrifuð sem háð og ádeila á utanríkisstefnu Bandaríkjamanna og þó sumir æsi sig og krefjist afsökunarbeiðni frá greinar höfundi vitum við öll að Bandaríkjamenn munu ekki birtast hér á morgun og bomba litla Ísland í frumeindir. Enda engin ástæða til að sprengja okkur því við erum jú ein af þeim þjóðum sem á einhvern óskiljanlegan hátt samþykkti þetta fjárans stríð þarna í Mið-Austurlöndum. Bandaríkjamenn myndu ekki sprengja vini sína.

Það sem mér finnst aftur slæmt við þetta er það að nú er litla Ísland ekki lengur bara þekkt fyrir snjóhús og Björk. Nei við erum tengd við stríð og þó þessi saklausa grein sem birtist á einhverjum netmiðli úti í heimi hafi ekki mikil áhrif er ég hrædd um að þetta sé aðeins grunnurinn af því sem koma skal. Hvað mun komandi kynslóð verða tengd við þegar hún segist koma frá Íslandi. Munu börnin okkar kannski þurfa að segjast vera Svíar til að sleppa við bögg?

Væri ekki ráð að beina þessari reiði sem við finnum til við lestur þessarar greinar að rótum vandans. Vandinn er ekki þessi stjórnmálaprófessor þarna í langtíburtistan heldur þeir stjórnmálamenn sem voguðu sér að tengja nafnið Ísland við stríðsrekstur Bush.

Fyrst þessi grein sem Uwe E. Reinhardt skrifar getur komist í fjölmiðla og alla leið hingað til Ísland hljóta mótmæli íslensku þjóðarinnar sem tala fyrir daufum eyrum stjórnmálamanna hér á landi að geta heyrst líka. Getur ekki einhver eytt reiðinni í að skrifa slíka grein?

Ég segi því bara ég vil nafn míns ástkæra lands af þessum lista. Ég vil ekki vera sammála þessari vitleysu sem verið er að reka þarna fyrir austan. Ég vil geta beðist afsökunar á þessum mistökum og hana nú!

Nær að sprengja Ísland en Íran

Ef ekki í samtímanum, hvenær hefðir þú helst viljað vera uppi?

Oft hefur maður heyrt þessari spurningu fleygt og oft hef ég hugleitt hvaða tímabil í mannkynssögunni ég hefði viljað skoða betur. Eitt er víst að af nógu er að taka. Ég er búin að velta þessu fyrir mér síðustu daga og held ég hafi komist að réttri niðurstöðu, en leiðin að henni var einhvern vegin á þessa leið.

Fyrst var ég ákveðin í að hverfa 70 miljón ár aftur í tímann þegar risaeðlurnar voru upp á sitt besta. Auðvitað var grimmasta rándýrið þ.e. maðurinn ekki orðin að hugmynd á þessum tíma en ég hef getað komið sem Þórseðla eða annar saklaus hlunkur sem engir óvinir gætu fellt. En ég féll frá þessari hugmynd og fékk aðra betri.

 Já ég væri til í að fara svona 50 ár aftur í tímann, þá hefði ég náð að kynnast lífi ættingja minna á þessum tíma. Hefði fengið að umgangast langafa og langömmur og svo hefði ég eytt dágóðri stund við eldhúsborðið hjá Guðrúnu ömmu í Rauðholtinu sem var víst kostakona sem ég því miður man lítið eftir. En ég fékk aftur betri hugmynd og held að það sé sú besta af öllum.

 Ef ég hefði ekki verið upp í samtímanum hefði ég viljað vera uppi á þessum tíma þ.e. páskum þegar jesús karlinn háði sína baráttu. Akkúrat þarna var lagður grunnur að því samfélagi sem við lifum í í dag. Ef ég hefði getað fylgst með þessum atburðum og horfið svo aftur til samtímans væri ég áltin mikill fræðikona og orðspor mitt færi víða.

Já, ef ég ætti þess kost myndi ég vilja kynnast Jesús J

Gleðilega páska og endilega komið með ykkar hugleiðingar um þetta mál.  

 

 

Fallega orðað!

.....minn kæri Lúðvík...mér þykir leitt að segja þér að úrslit liggja aldrei fyrir fyrr en lokatölur birtast :) Nema þú ætlir að hætta meðan leikar standa sem hæst!

„Sigur fyrir lýðræðið“

Sund

Ég heyrði nú þá snilldarskýringu um daginn að fólk sem færi reglulega í sund myndi sjaldnar verða veik! Ástæðan er jú: sá einstaklingur sem vanur er að sulla í annarra manna óhreinindum sé með betra ónæmiskerfi en sá sem baðar sig bara heima. Flensuskíturinn hefur því enginn áhrif á hann! Sel þetta ekki dýrara en ég keypti það enda var þetta ódýrt kaffistofu-slúður. 

 Það getur því ekki verið hættulegra að fara í sund á Ísafirði frekar en annars staðar og hver segir að Pólverjar séu verri sundlaugarverðir en enginn sundlaugarvörður?

Hættulegt að fara í sund?

....oh my!

Er þetta ekki aðeins of langt gengið? Ég fór í leikhús um daginn og endalausar hringingjar í gsm símum og fók að svara í þá skemmdu leikritið fyrir mér, jafnvel þó búið væri að biðja um að slökkva á símunum.

Allir vita hvað bókin Draumalandið er um og réttast hefði verið fyrir þennan mann að fara ekki á þessa sýningu.....!   Hefði þó viljað heyra þessar rökræður :)

 

Leikhúsgestur rökræddi við leikara í miðri sýningu á Draumalandinu

Æ og æ

Til hvers að gera erfðaskrár ef það er sett lögbann á þær. Ætti ekki að fara vilja þess látna. Alveg magnað hvað er hægt að velkjast með svona mál í bandaríska dómskerfinu.

Með fullri virðingu fyrir móðir þeirrar látnu þá finnst mér að hún verði að sætta sig við að fljúga til Bahamas til að heimsækja gröf dóttur sinnar. Hún hefði kannski betur gert það meðan dóttirin var á lífi!

Móðir Smith reynir að fá lögbann á ákvörðun dómara

Gevalia

Er sanngjarnt að feitur maður þurfi að kaupa sér tvö sæti í flugvél? Hversu feitur þarf hann að vera til að eitt sæti sé ekki nóg? Hvað þarf maður að vera lítill til að þurfa bara að borga fyrir hálft sæti?

Hvort eru öryggisbeltin í flugvél of lítil eða bumban of stór?

Lagast þetta kannski bara allt ef maður drekkur Gevalia kaffi?

Tek ofan fyrir þér.

Mér finnst það alltaf jafn merkilegt að þegar kennarar tala um kjör sín skal alltaf einhver bitur og reiður koma fram með orðið verkfall!!! Spáið aðeins í þessu. Það fyrsta sem mér dettur í hug þegar ég hugsa um eftirtaldar stéttir er þetta:

Hárgreiðslukona - skæri!

Gjaldkeri - peningar!

Bifvélavirki - vélar!

Ræstitæknir - moppa!

Kennari - börn!

Ég bara skil ekki hvers vegna fólki dettur orðið verkfall fyrst í hug, sérstaklega núna þar sem kennarar eru ekki að tala um verkfall, þó aðrir vilji halda því á lofti.

...og til að vera alveg viss um að þetta komist rétt til skila, þá styð ég kennara í Víkurskóla fullkomlega og ætla að beita mér fyrir því í vinnunni á mánudaginn að kennarar í mínum skóla fylgi fordæmi þeirra.

Þessi orð bið ég ykkur svo um að hafa í huga: Komdu fram við aðra eins og þú vilt að komið sé fram við þig því þú uppskerð eins og þú sáir.....!

 

Kennarar í Víkurskóla skora á Launanefnd sveitarfélaga að leiðrétta kjör kennara