Hugleiðingar

Maður hefur horft á ungar konur keppa í að verða bestu fyrirsætur í henni Ameríku. Maður hefur séð misjafnlega tónvíst fólk keppa í því að verða besti söngvarinn í henni Ameríku. Maður hefur séð misjafnlega fimt fólk keppa í því að verða besti dansarinn í henni Ameríku. Maður hefur séð subbufólk keppa í því að eiga sem skítugust heimili svo fínar breskar frýr geti skúrað eftir það. Fólk hefur líka keppt í því að hanna, keppt í viðskiptum, keppt í uppfinningum, keppt í því að búa í frumskógum og éta orma. Einnþátturinn gengur út á það að klippa eða það þykist vælukjóinn sem þar er í aðalhlutverki vera að gera. Allir þessir þættir falla undir það sem heita raunveruleikaþættir og ég skal alveg viðurkenna að ég hef gaman af sumum þeirra.

En.....það kemur alltaf en....ég á ekki orð yfir þáttinn sem áðan var í sjónvarpinu. Hann virtist ganga út á það að foreldrar keppa í því að ofkeyra börnin sín í íþróttum. Hvað er eiginlega að gerast þarna í henni Ameríku þegar átta ára gamalt barn er farið að æfa marga klukkutíma á dag og hrista líkama sinn eins og fullorðin súludansari frá Rússlandi, keppa í klappstýru!!

Mér fannst þetta alveg skelfilegt sjónvarpsefni og finnst að einhver sáli þarna úti mætti sparka í óæðri endann á þessum foreldrum....hvað er fólk að spá?

Athugasemdir

[Jóna Á. Gísladóttir, 4.9.2007 kl. 23:30]

Andsk... ég ætlaði svo innilega að horfa á þennan þátt til að pirra mig aðeins á honum. En kannski er þetta bara sorglegt. Takk fyrir bónorðið.

[Rúna Guðfinnsdóttir, 5.9.2007 kl. 08:22]

Missti af þessum þætti, var hann á Stöð 2 kannski?  Ameríkanar eru svo geggjaðir upp til hópa, það sést á Forseta þeirra, hvaða heilbrigð manneskja kýs svona mann sem æðsta mann veraldar?

[Janus, 5.9.2007 kl. 23:42]

Nei, nei þátturinn er á Skjá einum.....þið verðið að stilla inn á hann í næstu viku